2011年7月5日(星期二)
最近, 我開始想知道BB是囝囝或囡囡。老實說, 我一直希望BB是男仔, 因為我的好友都是生男孩, 我覺得出來聚會小朋友都是男孩子會好開心, 玩具可以一齊玩, 媽媽們也更容易聊湊仔經。
不過, 有時看到一些可愛的BB女也很心動, 不期然想像著自己可以買好多Miffy公仔和用品給囡囡, 又可以為她扮靚, 買好多衫仔裙仔, 到時我一定是個瘋狂媽媽。好興奮呀! 但生女都會好擔心, 怕她長大後被男仔欺騙, 又怕她太早熟太早拍拖, 也怕她嫁錯郎, 唏唏, 我想得太多了!
說起來, 我的老爺、奶奶甚至老公從沒提起希望我生男或女, 我也樂得靜候答案。當然, 本來BB的性別就是天注定的, 想多無益, 待懷孕至第4個月便知道。作為母親, 我最大心願是BB健康, 其他的, 管它呢~
No comments:
Post a Comment