懺悔

我, 為了自己壓抑已久的慾望而被你迷惑, 感到很對不起。
我知道自己不能愛你, 一直避你避得遠遠的, 為什麼你要來惹我?
你是我最喜歡的類型, 我深怕不能自制, 連正眼望你也不敢, 以免情感一觸即發, 釀成大禍,
但在這段空虛寂寞的日子, 為何你總有意無意出現向我招手?
你是否覷準時機早要迷惑我? 還是我自己軟弱失守?

當觸摸你光滑結實的肌膚, 輕輕親吻你的臉龐後,
那原始的召喚讓我失去理智, 我要把你吞噬,
再也無法自拔地沉醉在你的溫柔之中。
一次又一次, 想要你, 想要你, 想要你!
結果, 一如所料, 我後悔了!!

寫這一篇是要我記住我愛你也恨你的心情,
我會記著, 不可能愛你的魔咒,
我會記著, 和你緣盡於此。
今生今世, 不相往來。
我們, 到此為止吧!

為了你, 我下巴生了大粒瘡, 好討厭呀!

演技Idol

這個周末發生了一件很搞笑的事, 我估不到我媽咪有時都幾幽默!

 

話說我們在星期六回娘家吃飯時, 電視播出令人吐血無極限的《繼承者們》在J2台播放的廣告, 於是我問上次也有追看《來自星星的你》的媽咪這次會不會追看, 當然順勢大力推介她留意金宇彬和姜河那, 跳過李敏鎬和朴信惠那些老土情節就可以了。然後, 她問我最近還在看金宇彬嗎? 我說不是呀, 最近忙於聽ZE:A的歌, 沒空追電視劇。她說, 都不知歌詞內容, 有什麼好聽的。嘿! 我為了推廣帝國之子(還是為了重申自己其實知道歌詞大意?!), 就即場在Youtube播放了《後遺症》中文版MV給她看, 順便自己又睇一次。^o^

 

她見到九個男仔不斷飛來飛去, 又有大頭close-up鏡頭, 眼花繚亂, 於是(要用白話):

 

媽話: 呢隊嘢咁多人都唔知邊個打邊個! 你到底鍾意睇邊個? 係咪呢個? (指住大隻仔主音桐梭, 因為佢個樣都靚仔又出現最多)

我指住時完個樣: 唔係呀, 係呢個, 呢個呀, 係咪好靚仔呢? 佢做戲好好睇架! 又識拉小提琴。

媽話: 呢個? 個樣咁細個, 佢幾多歲呀?

我話: 好似27。

媽話: 咩話? 話佢20都有人信。細個到做你個仔都得喇喎, 有咩好?

我話: 你未見到佢上雜誌封面既相啫, 著咗西裝成熟啲, 無咁細路, 好靚仔! 佢第一套戲一出場, 古裝既, 秒殺呀! 你要唔要睇下啲相吖?

媽話: 青靚白淨, 都幾靚既, 但係成個女仔咁有乜好唧, 又瘦又矮, 鍾意誠俊哥咁man架嘛 (OMG! 佢只記得《天國的階梯》裡面權相佑……的肌肉! 你咪鍾意個大叔囉! 但唔好抵毁我地時完好喎)。

媽問: 咁你仲鍾意邊個呀?

我話: 無喇喎! 我淨係追住時完一個睇都睇唔切, 點留意其他人呀!

媽話: 車! 九個人先鍾意一個!

我話: 吓! 要鍾意好多個先得架咩?!

 

呢個時候, 小王子放低玩具加把口: 媽咪, 佢地做乜呀?

我話: 跳舞囉! 不如你一齊跳啦!

小王子左跳右跳扮佢地, 跟住我媽話: 其實果個咩完同你個仔差唔多咁cute啫, 你睇住自己個仔都一樣。

我話: 佢叫時完呀! 咩差唔多呀, 我個仔第時大個肯定仲靚仔過佢啦! (跟手抱住仔仔狂啜無限次!)

媽話: 咁我個孫梗係仲靚仔啦! (跟手抱住我仔狂啜無限次!)

 

無聊完畢, 以上。

 

其實讀書時我無沉迷過偶像, 媽咪亦好少理我鍾意咩明星。反而生了bb後比以前更留意呢批花美男(母性大發嗎?)。果日在Youtube聽了一首, 聽了又一首, 覺得以下的MV都幾好, 推介一下:

 

1. 後遺症: 最近好中毒的一首歌, 除了因為旋律輕快琅琅上口外, 時完是跳第一part出場舞的, 主唱和演出的部份算比較多, 所以特別鍾意(不過唔好理啲衫同化妝, 果啲花同頭飾係咩事?)。而且覺得有時睇戲真係有後遺症, 就係會好鍾意某位藝人……一排, 跟住又變心啦, 哈哈!

 

2. 後遺症排舞篇: 呢首幾得意, 要慢慢認邊個打邊個, 但因為時完生得細粒又瘦, 反而易認。佢企在其他高大的團員隔離(例如炯植,光熙),對腳好幼好短, 戴住鴨舌帽就好似一個小朋友 ^O^。不過呢個MV令我對他的舞技改觀, 整隻舞佢都跳得投入, 尤其尾段佢shake得幾好睇。或者只係我主觀, 當初因為睇《未生》特輯, 有一幕要佢跳舞比姜素拉睇, 佢好怕醜咁跳左幾下舞步, 當時我完全未睇過佢的MV, 只覺得佢跳得咁唔起勁既(又話係帝國之子???), 於是一路個印象係佢跳舞麻麻。加上佢個樣比人感覺文質彬彬好柔弱成個書生, 我好難想像佢勁歌熱舞個樣, 但原來都ok! 呢個視頻我係一路追住時完來睇既!

 

3. 風之幽靈: 我另一首大愛, 鍾意個旋律和副歌, 時完唱開頭果part, 之後都少出現, 但佢個造型麻麻, 純粹鍾意首歌。呢首炯植最突出, 但佢樣貌唔係我個type, 身材身高先係(184cm的貴公子)。 而家炯植同時完一樣大勢, 但我第一次識佢係因為《繼承者們》呢套野, 佢裡面果個角色有少少低能, 我印象太深刻, 就算某啲角度覺得佢其實都幾靚仔都好, 好難有好感! 加上佢年紀好細, 性格似足小朋友, 佢唔講嘢只睇様會好啲! 

 

4. Here I am: 賣可愛的曲風, 唔係我杯茶, 不過總唔能夠每一首都咁跳躍, 偶然來一首佻皮小清新路線都好。佢地隻舞確係幾搞笑, 我仲叫我個仔學果款揮手。呢首好記得光熙, 佢神高神大做呢啲動作好灰諧, 但佢笑起來對眼係彎腰果(雖然應該係整容而來), 令人睇到佢都覺得開心。講下黃光熙呢個人, 佢真係好嘈, 好嘈, 好好好嘈, 仲有竟然承認自己有整容! Kwanghee c, 你係偶像團體來架, 唔怕被人詬病連累隊友(講緊時完呀)? 但又因為佢超強的綜藝細胞同埋不遺餘力去宣傳帝國之子, 為大家付出好多好多, 雖然我唔係太子妃, 但在喜歡佢和討厭佢之中, 好肯定自己一啲都唔討厭佢先! 而且, 哎, 時完, 不如你對光熙好啲啦, 我諗佢真係好愛你囉!

 

5. Step by Step: 終於可以慢慢認人的一首情歌, 漸漸分得清全隊人, 有啲人條件其實真係幾好, 點解佢地唔紅呢? 唉! 都係公司問題啦! 呢首MV因為把聲靚, 我覺得海歸派主音Kevin原來唔錯, 樣就唔好講, 但把聲好清脆, 而且番書仔個人傻更更好得意又sweet, 討好之選。仲有, 時完真係適合做戲, 佢既表情係咁多人之中最豐富, 最尾果度笑起來最好睇。

 

6. Watch Out: 輕快的歌, 好有趣的一首MV, 但成班人跑來跑去, 真係睇到頭暈。我亦發現一個現象, 就係時完好多時都被選中同女主角有特別交流, 攬攬抱抱果啲, 當然, 佢咁靚仔, 比著我都揀佢啦 (又講, 厭唔厭!)~

 

另外, 仲有兩隻MV想推介, 但唔係帝國之子的歌, 只係會令人認識任時完多一點:

 

1. 賜我一個狀元郎: 話說時完拍《擁月》後得到各方關注, 於是有粉絲做了這個MV, 把他最美好的瞬間展現。到底有幾發光令一眾雌性動物暈哂大浪? 唔多講, 睇片啦!

 

2. SoReal MV: 時完係呢首MV的男主角, 一個字: 好睇!

 

連續兩篇講任時完, 我都覺得自己傻傻地, 不過講兩篇都夠皮了, 反正呢期係鍾意睇佢, 過一排新人輩出就唔知了! 佢都就快入伍, 有機會紅, 我都想佢繼續紅落去。當完兵出來, 講唔定可以行man 少少的路線! 佢係演技偶像, 亦係一個對自己有要求的人, 我諗佢仲有得撈,時完,  fighting!

 

 

 

 

 

p.s. 時完在香港搞的FM圓滿結束, 佢玩親民大講廣東話同唱中文歌, 好聰明! 佢唱周董首《星晴》仲唱得幾好, 咬字正過好多香港人, 睇片吧! 



後遺症

上回說到因為一套大熱韓劇《未生》, 我對主角男團”帝國之子”出身的任時完好感度大增, 不管是角色和他本人相像所以感覺演得出色, 還是他的確從《擁抱太陽的月亮》的俊男光環中一步步走向演技派之路, 我, 放下了對偶像團體的反感和成見, 上網搜尋他過去的MV和劇作重溫, 意外地發現原來這小子還滿有才華, 性格也好。

 

首先, 我說不出自己為何抗拒韓國(甚至日本)的男團女團, 總之一說到偶像歌手就很反胃。雖然, 我看《Dream High》也知道很多年紀輕輕的練習生入選前, 需經過沒日沒夜的艱苦訓練和考驗才能正式出道, 出道後為了維持知名度又要接受很多苦差, 我甚至也不否認他們多數是歌精舞勁的精英。 那麼, 我到底討厭他們什麼呢? 大抵是那種”明刀明槍”的造作吧!

 

作為偶像, 他們太多時間在出賣自己: 賣可愛、賣舞藝、賣純情、賣Boy Love。我挺害怕這種人工化的偽裝。我知道這種感覺很莫名其妙, 根本藝人就等如偽人, 是一個販賣fantasy的職業, 我反感什麼嘛! 可能因為偶像團體人多, 我總覺得為了製造人氣, 各人的互動是經過計算的”表演”, 少了一份真實感。沒辦法, 韓國的綜藝節目太受觀迎, 要生存就要在這些節目亮相, 但我本身最不喜歡看的就是韓綜, 什麼Running Man, 我們結婚了, Roommate, 家族的誕生等等, 是很好笑卻無聊至極。但無可否認, 這也是讓大家了解一眾偶像的最佳途徑。假如,那些表情是真的。

 

時完以”帝國之子”團員身份出道初期也上過很多這類節目宣傳, 我挑了些比較不胡鬧又有中字的看, 撇除那些難頂的賣萌作狀團體動作, 還有永遠不懂欣賞的韓式化妝和吐血時尚, 他給我的感覺是一個綜藝感不強但令人印象難忘的男仔。我能夠再說一次他真的好靚仔嗎? 我喜歡李鍾碩、金宇彬、徐仁國是因為他們本身在劇集中散發的魅力, 有些人可接受不了他們的相貌, 但任時完卻切切實實是公認的美少年, 五官精緻、唇紅齒白、眼大鼻高、嘴唇豐厚, 聲音也很好聽, 又懂拉小提琴(雖然拉得不怎麼樣, 但這個加好多分!), 唯一缺點是細細粒不夠高, 在盛行長腿oppa的韓國未免不夠吸引。不過, 已經擁有出眾外貌、學業成績優異、頭腦聰明(餘暇竟然是玩扭計骰)再加上高大威猛未免太高不可攀了, 現在有些少瑕疵反而更加入屋啦!

 

除了樣貌, 我覺得他作為偶像演技確實在進步中, 有那種打動人心的感染力。我一直沒有忘記當初為金秀賢看《擁月》, 不計第6集後被凸眼女主角嚇倒要快轉, 劇終就只記得時完飾演的少年版許炎的光芒。每當他和奇貌不揚的少年陛下在一起的那些場面, 那種發光發亮的CG效果其實沒有誇張, 觀眾很自然地覺得這個狀元果真有出塵美啊! 嗯, 相對來說, 容貌令人驚艷, 演技也很幼嫩就是。不過, 當知道他是男團成員後, 我登時產生”難怪, 原來是偶像來拍劇!”的不好印象, 對他的興趣立即下降, 也因為忙於捧李鍾碩和金宇彬場, 沒有時間跟進他的背景。

 

後來看徐仁國的《回答吧! 1997》有他客串的一幕, 我竟然能一眼認出他, 這實屬不可思議! 因為基本上韓國很多男仔的樣貌相似, 尤其是那一批靚仔偶像派, 撞臉情況嚴重, 我能認出他, 証明還是保留了對他的興趣, 也記著了任時完這個名字, 所以後來才會有看《未生》的衝動。還好他的表現令人滿意, 沒有浪費我的時間啊!

 

看畢眾多視頻, 對他好感度大增, 原本我就特別鍾情文靜的男生, 我覺得他是很內向憨厚自尊心重的人, 不是那種能開玩笑有幽默感的個性, 感覺上也不很適合跳舞, 這在韓國演藝圈, 尤其是男團為保持知名度要經常上娛樂節目或真人騷來說有點吃虧。但看過一些官方MV後我有少少改觀, 原來他唱歌跳舞並非想像中不濟, 而且因為號稱外貌擔當, 人氣頗高。

 

我想他的主要壓力來自外貌好, 常常令人覺得靠外表無內涵, 似乎要比別人更努力才能獲得認同。我支持他繼續走演員這條路, 也慶幸他做了正確的選擇, 始終, 走向演技派才能飛得更高啊! 當然, 不斷稱讚他靚仔是我自己的標準而已, 畢竟各花入各眼, 很多同齡的女友抗拒小白臉, 只心儀man爆肌肉男, 我卻只鍾情美少年。上次提到的”時完病”出自一個節目, 是說某位隊友經常纏著他, 又抱又親又拉手, 偏偏時完最討厭這種親暱, 總是反抗和推開, 主持人就開玩笑形容那位隊友像患了時完病。呵呵! 隨著劇集受歡迎, 他的人氣急升, 我想很多女粉都患上這個病了!

 

這篇文章的標題是”後遺症”(請看連結), 其實出自他們的一首舊作, 我聽著聽著覺得還不錯, 不過那些翻來飛去的舞蹈和過份誇張的妝容是很惡頂的。我不懂欣賞是一回事, 對他的努力還是認可的, 我也期望他和他的男團往後有更好的發展! 其他八個人之中, 我極其量只認出樣子cute cute但肌肉發達的主音桐俊, 拍過《繼承者們》和《九回時間旅行》好可愛的炯植(原來他好高, 唱歌又好聽!)和完全的綜藝咖整容控光熙, 其他人真要努力, 否則我怕長此下去, 團員人氣太過懸殊, 他們很快就要解散了~~

春眠不覺曉 處處聞啼鳥

話說我住的屋苑林蔭處處, 鳥語花香, 原本是環境優美的居所, 然而, 每到春天就有一隻雀鳥大哥棲息在某棵樹上啼叫, 唂咕唂咕地在凌晨或早上打擾所有居民的美夢, 可恨大家又無可奈何!

 

原本我就不喜歡春天,潮濕, 乍暖還寒,下毛毛雨, 天色昏暗, 令人沒了生氣, 還要加上無止境的叫"春", 可憐我, 這個春天不夠瞓呀!

 

未生

過農曆年休息了幾天, 趕快看完《未生》這套大熱韓劇, 因為故事場所在辦公室, 劇情是日常發生的事, 所以感覺特別真實, 也看得起勁, 很快KO了二十集, 評價也是正面的。

 

我會在百忙中開此劇的原因當然是因為男主角們是我杯茶: 任時完在看《擁月》時已覺得驚艷, 雖然是古裝, 但絕對絕對是無敵花美男, 簡直是男生女相, 好靚仔(女?)! 姜河那在看《繼承者們》時已留意, 對他的演出有期望。另一個是配角千科長, 在《異鄉人醫生》飾演北韓間諜的大叔, 純粹因為覺得他樣子四正身材高大幾討好。最重要是, 女主角是我並不討厭的姜素拉, 我不想再捱女主角的梗, 所以鐘碩的《匹諾曹》和仁國的《高校處世王》我仍未看, 實在害怕再受到女主角的虐待, 對素拉還算有點信心!

 

我喜歡此劇, 因為它寫實。我們在職場也好, 生活上也好, 一定會遇到像張格萊、安英伊、張白旗、韓鍚律、吳次長、金代理、夏代理、成代理等等人物, 能否好好相處真的看有沒有緣份。有些人一開始覺得討厭, 但相處下來會改觀; 有些人一開始覺得可愛, 但相處下來覺得造作。我在職場十多年的生涯中, 自然曾經有過沮喪和艱辛的日子, 慶幸路途中得到很多人的支持, 一直撐著到今天。當然, 我也為了一口飯在拼命喔!

 

這部劇集在韓國收視很高, 時完的演出受到好評, 我替他高興。真心覺得他也是化學天使。他在劇中和不同角色的交集, 奇妙地任何搭配也沒有違和感, 雖然一邊看一邊迷倒於他的"美貌", 卻也惋惜他太矮小了, 如果個子高些壯健些, 說不定會令我也患上時完病, 不過現在這樣開初是鄰家男孩菜鳥, 後來成為幹勁十足的型仔更符合劇中角色, 也無損大家對他的喜愛, 難怪成為大勢男呀! 有時間再寫寫他的花痴文 。

 

姜河那最初沒甚發揮, 後來戲份重了, 和姜代理之間的描寫多了, 才能看到多一點他的內心戲。他的表現稱職, 沒有變成歹角, 後來想幫助格萊的心意也令人感動。還有, 無意中的祼露上身, 是要滿足女觀眾的慾望嗎? 哈哈!

 

話說此劇開拍之初說明沒有愛情線, 素拉和時完及河那之間有少少感情描寫, 少少粉紅, 不過最終沒有誰和誰成為一對, 反而產生了不少男男CP, 惹人發笑。我嘛, 最喜歡韓鍚律和張格萊這一對, 前者總是想擁抱後者, 後者每每迴避推搪, 有夠好笑。話說回來, 飾演韓鍚律的演員做得幾好, 初登場他不斷欺負格萊令人好想打他一鑊, 但後來覺得他情深義重幾實幾可愛, 尤其為格萊爭取成為合約員工寫的一篇感想文, 非常感動。更重要的發現是, 換過髮型後的他原來好靚仔的!! 印象立即變好, 呵呵!

 

另一感想是, 這部劇以約旦開首和結尾, 這個地方讓我想起約十年前和朋友的一趟旅行。我們去了Petra古城, 也曾經在大石中穿梭, 去不到Wadi Rum, 但在雪中渡過了難忘的一夜。直到今天, 我仍會偶然回憶當時的情形, 笑中有淚。

劇末韓鍚律對張格萊說的一翻話令人動容。他說「一直想從你的心中下班，但總是加班! 」又浪漫又搞笑。

 

我們之間, 也是這樣。

 

我們總以為過去纏著我們，其實是我們纏著它。