這一夜, 我抱著熟睡的仔仔坐在床上。
黑暗之中, 淚如雨下, 不能自已。
我傷心得把這幾年被幸福生活埋藏的淚水全部傾瀉。
我為什麼要哭? 我為什麼痛哭? 因為, 我這樣愛你, 如此愛你!
在淚眼模糊之中, 我望了望懷中深愛的兒子。
突然想通了一點點, 一點點……
其實, 只要你快樂, 只要你幸福, 什麼都沒所謂了……
只要, 你真的快樂、你真的幸福, 就足夠了!
Thursday, December 27, 2012
Tuesday, February 28, 2012
所謂願望
在差不多生BB時, 老公問我有沒有什麼事情想在生完後即做, 我當時想了想, 列舉了以下十件事:
1. 狂食魚生: 由知道懷孕後, 我只破戒吃過一丁點魚生, 我這個日本食物狂戒口戒得太久, 已經快要發瘋了! 要狂吃作補償!
2. 食火鍋, BBQ, 快餐店: 為BB著想, 我一直也有戒口, 海鮮、熱氣、辛辣食物樣樣戒, 出關後, 任何這十個月沒有吃過的食物都要一次歸本!
3. 趴在床上看書看電視: 這是我自小學以來的習慣, 覺得趴著看書是最痛快的事情, 但挺著肚子連彎腰都不能, 莫說趴! 等到終於沒有肚子頂著, 我要呈大字型趴足一晚, 老公請讓開!
4. 行街掃貨: 尤其是化妝護膚品, 我在友儕中出名鍾意買美容用品, 但因為皮膚敏感, 又怕有些產品的成分對BB有害, 我忍了手八個月, 我要重出江湖買買買!
5. 正面攬老公: 我們是恩愛夫妻, 多月未有好好擁抱過, 我等了這個動作好久!
6. 做Facial和body treatment: 懷孕時雖然豁出去把身材走樣等問題拋諸腦後, 但為保靚女(媽)招牌, 都不能太過懶惰, 要勤力做機修身和保養塊面, 通淋巴去浮腫!
7. 做運動: 雖然我一向不是運動健將, 但平時也喜歡做gym、行山等保持適量運動, 以免發福, 懷孕時雖有散步, 但體力稍遜, 不能太操勞, 生完BB後, 非常想運動!
8. 去旅行: 我知道已經被判三年監, 但仍然好想遞紙申請假期, 和老公去去短線旅遊!
9. 穿高跟鞋: 我出名鍾意高跟鞋, 家裡的存貨也多, 不過一知道懷孕後已和High heel講bye bye, 幸好我的雙腳沒有水腫，之後仍然可以繼續情迷高跟鞋!
10. 留長頭髮: 我向來鍾情長頭髮, 也覺得自己曲髮最好看, 不過為著方便打理和供給更多營養比BB, 我很早期已換了一頭清爽短髮, 生BB後要慢慢再留長了!
好了! 現在BB已經滿月, 以上的事情我做了多少? 答案是一半也沒有! 原來, 當機會來到時, 我才發現自己並不是想像中那麼渴望完成以上所謂"最想做的事"! 或者, 我不想最初抱著高高興興的心情去完成一件事情, 但事成後竟然覺得不外如是, 那種感覺很不爽!
前幾天我和老公吃了一頓日式放題, 能夠盡情吃魚生壽司當然開心, 不過當我發現自己原來很快吃飽後, 突然懷疑自己是否如想像中喜歡吃魚生? 吃到了如何? 吃不到又如何? 一時間, 我了解到在此時此刻, 自己原來並沒有什麼所謂"渴望". 然而, 我不感到失落, 輕輕鬆鬆生活, 反而沒有壓力, 才是最最最開心吧!
Saturday, February 11, 2012
Thursday, February 09, 2012
我的搞嘢陪月!
今篇文, 我一定要以白話寫!
人人都話生完之後一個月對產婦來講好重要, 於是我舊年已經搵定一個阿姨來照顧我和BB坐月, 佢係經一個朋友介紹的, 面試時覺得佢都OK, 但估唔到佢返工後令我咁不滿, 搞到我都唔可以好好休息. 我唔知係自己做新手媽媽太緊張定咩原因, 總之對佢好多行為都睇唔過眼! 包括以下呢幾樣:
1. 講野超大聲: 原本我地呢個家庭的人就比較斯文同安靜, 加上有埋BB, 連睇電視都細聲左, 但呢位阿姨成日講句說話都嘈嘈閉, 聽到我都煩埋, 最大鑊係佢超多野講, 一有機會就拉住我地講呢樣講果樣, 大佬, 我請你返來同我傾計咩, 比啲空間我休息啦! 我食緊飯又講, 上緊網又講, 睇緊報紙都講, 係咪連我去厠所都仲要講丫? 已經擺到明唔想同佢搭訕, 佢仲唔收口! 我好想推介佢睇菜菜子套日劇, 果個只會做野唔出聲的家政婦原來係勁正!
2. 衞生麻麻地: 照顧初生BB都幾講衞生, 雖然成日有人話唔好太過乾淨, 但基本功都要啫! 呢位阿姨無論在煮食方面定同BB換片都好鬼"嗱渣", 試過同BB換完便便片後, 搞到裝清潔棉的盒仔同裝暖水的盒仔都沾上便便, 洗手間條抺手巾又有, 佢唔出聲之餘又唔清理, 到我入房先見到, 要即刻叫工人姐姐洗, 以免散播細菌! 其次, 成日在廚房洗野洗到周圍都係水, 又攤到一枱都係食物, 最衰係未用完一舊薑又開一舊新的, 啲野周圍擺, 搞到我老爺鬼咁嬲! 我成日睇住佢去抱BB前有無洗手, 千祈唔好搞到我個仔污糟, 否則我會發火!
3. 用量驚人: 佢只係返左兩個星期左右, 但已經用左我一整包X記龍眼, 一大包靚果皮, 一支豉油同大半支油! 我不斷同佢講我鍾意清淡口味, 唔該少油少鹽少調味, 仲有我地無抽油煙機, 最好唔好煎野, 但日日講佢日日都落好多野煮飯, 我不時要黑住面同佢講: 唔好要我成日提你, 我話左唔好落咁多野, 食到我肚痾喇! 佢竟然仲話生完有少少肚痾係正常, 我心諗, 我係食果個都無嫌淡, 你煮果個駛乜理咁多? 跟住又講一次: 少油少鹽少調味!
至於用野方面真係好離譜, 我睇過佢煮代茶, 煲果一公升水佢乜都落一大堆, 我直情問佢駛唔駛用咁多料, 佢話唔用多啲料無味架, 我又再同佢講, 我都話左唔鍾意啲野咁濃味, 佢先稍為落少幾粒紅棗龍眼, 但都可以用哂我咁多野, 我地的存貨本來夠用成個月, 佢兩個星期唔夠可以清左倉, 跟住問我駛唔駛再買. 我唔知佢咩心態, 雖然話啲野用在我身上, 要買過亦唔係好貴, 但有時唔係錢的問題, 而係需唔需要的問題, 佢比我的感覺係想快啲用哂啲野再買! 未返工時佢成日同我講話唔好買咁多乜乜物物, 但上工後我覺得佢乜都想叫我買, 甚至叫我買過個飯煲, 我真係睬佢都傻! 佢明知我得兩公婆食飯, 但就成日預到啲份量好多, 我講左好多次先叫做預返好少少, 唔駛成日剩餸, 大佬, 我應該食新鮮食物, 唔通成日叫我食隔夜餸飲隔夜湯咩, 講極都係咁, 我有時火火地都好想叫佢真係唔記得就搵本簿寫低!
至於買餸錢係另外計, 日日清數, 有時我見佢買到啲野好貴都會出聲, 喂! 我唔煮飯唔等如我唔知啲野幾錢,唔係你話幾多就幾多啫! 佢有個口頭嬋, 就係買乜都話唔平, 跟住claim錢時有啲野無單, 佢就會話而家啲野點貴點貴, 以前幾多蚊就買到, 下刪100字, 通常我都唔出聲, 計下條數過唔過份, 唔太過份我都算數, 有啲野感覺有少少離譜我會出聲, 話在我地呢邊買都係咁多咁多錢, 佢果邊做乜要賣到咁貴? 跟住佢就會有一堆理由. 老實講, 錢我就預左比, 我只係想佢知道打斧頭都唔好太過份啫.
4. 老屈工人: 我屋企有個工人姐姐, 我請佢返來係幫我唔係要來服待阿姨, 但佢成日老點姐姐煮飯同執頭執尾,有時佢話我個仔喊要抱下佢, OK! 但我個工人唔係奉旨去幫佢, 有次佢竟然責備姐姐做乜唔蒸魚灼菜, 我睇唔過眼同陪月講, 原本負責煮飯比我食果個係佢(咁高人工請佢的工作範圍之一), 我個工人只係幫下手, 我個BB無扭計唔駛成日抱, 佢可以放低我個仔一陣, 煮左飯先, 佢先走返去廚房, 否則應該一直抱阿B抱到我個工人煮完飯佢先起身! 我問佢: 乜以前做頭頭住家都有工人咩? 佢話梗係唔係, 於是我話咁你果時點樣又煮飯又照顧BB, 佢話做快手啲, 但洗野就洗得求其啲! 跟住我話咁你在我屋企都算他條, 我個工人幫你做咁多野, 佢無聲出!
其實我家姐姐都算係咁, 阿姨成日點佢沖奶, 教水比BB沖涼, 煮飯, 洗碗, 佢都無投訴, 但阿姨就成日蝦佢唔識中文, 有啲野入左姐姐數! 好似有次洗菜無切走啲菜花, 又有發泡膠碎, 阿姨見到我揀哂啲渣出來, 即刻賴係姐姐洗菜, 仲話佢唔識洗, 乜乜物物, 當時我無出聲, 我知我地個工人返左咁耐工, 呢啲野佢唔會唔知, 於是之後我問姐姐邊個洗菜, 佢話係auntie! 我信我工人, 因為我食緊飯時佢在廚房洗野, 應該唔知出面發生咩事! 其實仲有其他例子, 總之一有啲咩唔對路阿姨就話姐姐唔識, 而佢自己就乜都無做錯!
5. 專業定靠害: 當初決定請個陪月, 係覺得自己有啲坐月野唔識, 不如比錢搵個專業人士返來幫手, 一來唔駛我媽咪同老爺奶奶咁辛苦照顧我, 二來老公又可以放心去返工, 但係, 慢慢我有啲懷疑阿姨所謂有10年經驗係點樣一回事, 因為佢成日向我提議埋啲怪食材, 例如黃金蝦(咸蛋, 海鮮?), 干炒牛河(炒野, 牛肉, 油膩?), 未夠12朝叫我食薑醋, 又話可以炖花膠比我食, 以我淺薄的坐月知識, 都知有啲野唔可以食住, 佢點可能叫我食? 我問佢可以食架咩? 佢每次都話:乜都可以食, 食少少唔會有問題! 咁我想話, 如果無野係唔食得, 咁我駛乜用咁多錢請你來煮飯比我食呢? 唉!
平時係姐姐開奶, 有次我叫佢自己開, 結果就出事, 奶樽在雪櫃拎出來, 凍冰冰佢求其用開水沖一沖個樽, 個奶咀仲係凍既, 我話唔得喎, 要成個奶樽用熟手沖先得, BB放落口飲架! 佢話沖左架喇! 啲開水凍啫! 下, 雪櫃果種凍同開水果種凍我地唔係唔識分呀? 到畢奶粉, 把刀亂咁用啲份量唔岩, 倒入奶樽又倒瀉哂, 跟住仲好意思話自己生手, 當時我真係忍唔住話佢唔係成日開奶架咩, 點解會生手?? 真係人都癲!
有一日, 我午睡完起身, 未夠5點出廳唔見左佢, 問工人姐姐, 話auntie走左, 下? 未夠鐘收工喎, 走左? 我跟手打比佢啦, 無人聽, 我一頭霧水, 莫非佢想唔撈? 最後佢無打返比我. 當晚我真係同老公認真商量過想炒佢魷魚, 但諗到多對手係一對手, 先至諗住捱埋之後的日子. 第二朝佢返工, 我問佢做乜未夠鐘就走, 佢扮懵話睇錯鐘, 仲話唔怪得返到屋企咁早, 佢話補返鐘比我. 我塊面黑過鑊撈, 一句聲都無回應. 坦白講, 如果你做得好地地, 你有事要早少少走, 同我講聲我唔會唔比, 但佢一句野都無講自己走左去, 又唔覆電話就真係好離譜, 呢啲係專業陪月的所為?
6. 無規無矩: 阿姨份人唔係好識咩叫"尊重", 我有時在客廰上緊facebook, check緊email, 佢竟然可以一碌木咁企在我後面睇住我整理私人野, 睇到facebook某啲相仲比返幾句評語我, 就算佢無心都好, 我老公老爺奶奶甚至我媽咪都從來唔會咁樣睇住我上網, 侵犯我私隱, 真係好難頂! 另外, 有時我在BB房試餵人奶, 佢又衝入來, 我點都唔係咁習慣人地望住我個胸囉! 仲有幾次我在自己房, 佢敲一敲房門又衝入來, 我同佢講佢敲完門等我自己開門, 佢仲話: 下, 我有敲門架喎! 我話: 係, 但你都係等我自已開門啦! 果幾次我在房泵緊奶! 而家搞到我一做私人野, 我一定要LOCK門, 否則怕佢又衝入來......
呢樣都唔止, 話說屋企個廚房係我老爺管轄的範圍, 我呢亭無飯煮婦亦樂於清閒, 從來唔搞廚房裡的一碗一碟, 正所謂有無米我都唔知既, 我咁講唔係話呢樣係一件好光榮的事, 而係我嫁入來咁耐就已經係咁, 我唔覺得佢地想我突然變得好積極煮飯, 而且在我坐緊月時就更加唔會要求我做啲乜啫. 好喇! 阿姨要煮飯一定要用廚房啦! 佢不時自己摷野用不特止, 有次仲同我話搵到啲蟲草, 問駛唔駛炖野比我食! 我話: 下, 我唔搞屋企啲藥材, 亦唔駛而家食炖野住(正常人應該會在滿月後先用藥材補身, 都唔知佢作為陪月員點解會咁問我!) 佢仲繼續講話啲蟲草好貴, 好補身, 下刪100字, 當時我幾想XYZ佢! 但我忍住, 只係話: 我唔駛補身住, 我媽咪之後會炖比我食! 莫講話唔應該食咩藥材住, 就算可以食, 以佢的習慣, 佢兩日唔駛同我用哂啲貴價食材喇! 呢啲海味野我一定唔會過佢手整, 要整我媽咪奶奶都會整, 反正佢地一早已經買定燕窩花膠鮑魚比我慢慢補身, 我根本都唔擔心無好野食!
其實仲有好多野我覺得離譜, 但我唔想自己坐緊月都咁勞氣, 寫住咁多算啦! 費事第時睇返勾起回憶都忍唔住想鬧. 講真, 請佢加埋買餸錢要駛成二萬蚊, 但我覺得好似貼錢買難受咁, 雖然客觀來睇佢都幫到我, 唔係我要睇住BB邊有時間寫呢一大篇文, 不過你問我值唔值, 我會覺得唔值得囉! 如果唔係唔想老人家辛苦, 我一定搵自己媽咪陪我坐月, 不過無計啦! 而家決定繼續用佢我亦唔可以對佢太唔客氣, 話哂佢煮飯比我兩公婆食, 又照顧我個寶貝仔, 萬一煮飯時落毒, 虐待BB咁我點搞 (講笑啫!), 而家唯一可以做就係忍, 忍到佢last day果日!
不過, 假如有朋友想搵陪月, 我一定唔會推薦佢比人, 費事害人! 如果再比我揀, 我亦一定唔會再請陪月, 邊個介紹都係咁話, 慳返啲錢比BB買奶粉尿片好過, 總之一句, 呢個搞野陪月就令我好激氣啦!
人人都話生完之後一個月對產婦來講好重要, 於是我舊年已經搵定一個阿姨來照顧我和BB坐月, 佢係經一個朋友介紹的, 面試時覺得佢都OK, 但估唔到佢返工後令我咁不滿, 搞到我都唔可以好好休息. 我唔知係自己做新手媽媽太緊張定咩原因, 總之對佢好多行為都睇唔過眼! 包括以下呢幾樣:
1. 講野超大聲: 原本我地呢個家庭的人就比較斯文同安靜, 加上有埋BB, 連睇電視都細聲左, 但呢位阿姨成日講句說話都嘈嘈閉, 聽到我都煩埋, 最大鑊係佢超多野講, 一有機會就拉住我地講呢樣講果樣, 大佬, 我請你返來同我傾計咩, 比啲空間我休息啦! 我食緊飯又講, 上緊網又講, 睇緊報紙都講, 係咪連我去厠所都仲要講丫? 已經擺到明唔想同佢搭訕, 佢仲唔收口! 我好想推介佢睇菜菜子套日劇, 果個只會做野唔出聲的家政婦原來係勁正!
2. 衞生麻麻地: 照顧初生BB都幾講衞生, 雖然成日有人話唔好太過乾淨, 但基本功都要啫! 呢位阿姨無論在煮食方面定同BB換片都好鬼"嗱渣", 試過同BB換完便便片後, 搞到裝清潔棉的盒仔同裝暖水的盒仔都沾上便便, 洗手間條抺手巾又有, 佢唔出聲之餘又唔清理, 到我入房先見到, 要即刻叫工人姐姐洗, 以免散播細菌! 其次, 成日在廚房洗野洗到周圍都係水, 又攤到一枱都係食物, 最衰係未用完一舊薑又開一舊新的, 啲野周圍擺, 搞到我老爺鬼咁嬲! 我成日睇住佢去抱BB前有無洗手, 千祈唔好搞到我個仔污糟, 否則我會發火!
3. 用量驚人: 佢只係返左兩個星期左右, 但已經用左我一整包X記龍眼, 一大包靚果皮, 一支豉油同大半支油! 我不斷同佢講我鍾意清淡口味, 唔該少油少鹽少調味, 仲有我地無抽油煙機, 最好唔好煎野, 但日日講佢日日都落好多野煮飯, 我不時要黑住面同佢講: 唔好要我成日提你, 我話左唔好落咁多野, 食到我肚痾喇! 佢竟然仲話生完有少少肚痾係正常, 我心諗, 我係食果個都無嫌淡, 你煮果個駛乜理咁多? 跟住又講一次: 少油少鹽少調味!
至於用野方面真係好離譜, 我睇過佢煮代茶, 煲果一公升水佢乜都落一大堆, 我直情問佢駛唔駛用咁多料, 佢話唔用多啲料無味架, 我又再同佢講, 我都話左唔鍾意啲野咁濃味, 佢先稍為落少幾粒紅棗龍眼, 但都可以用哂我咁多野, 我地的存貨本來夠用成個月, 佢兩個星期唔夠可以清左倉, 跟住問我駛唔駛再買. 我唔知佢咩心態, 雖然話啲野用在我身上, 要買過亦唔係好貴, 但有時唔係錢的問題, 而係需唔需要的問題, 佢比我的感覺係想快啲用哂啲野再買! 未返工時佢成日同我講話唔好買咁多乜乜物物, 但上工後我覺得佢乜都想叫我買, 甚至叫我買過個飯煲, 我真係睬佢都傻! 佢明知我得兩公婆食飯, 但就成日預到啲份量好多, 我講左好多次先叫做預返好少少, 唔駛成日剩餸, 大佬, 我應該食新鮮食物, 唔通成日叫我食隔夜餸飲隔夜湯咩, 講極都係咁, 我有時火火地都好想叫佢真係唔記得就搵本簿寫低!
至於買餸錢係另外計, 日日清數, 有時我見佢買到啲野好貴都會出聲, 喂! 我唔煮飯唔等如我唔知啲野幾錢,唔係你話幾多就幾多啫! 佢有個口頭嬋, 就係買乜都話唔平, 跟住claim錢時有啲野無單, 佢就會話而家啲野點貴點貴, 以前幾多蚊就買到, 下刪100字, 通常我都唔出聲, 計下條數過唔過份, 唔太過份我都算數, 有啲野感覺有少少離譜我會出聲, 話在我地呢邊買都係咁多咁多錢, 佢果邊做乜要賣到咁貴? 跟住佢就會有一堆理由. 老實講, 錢我就預左比, 我只係想佢知道打斧頭都唔好太過份啫.
4. 老屈工人: 我屋企有個工人姐姐, 我請佢返來係幫我唔係要來服待阿姨, 但佢成日老點姐姐煮飯同執頭執尾,有時佢話我個仔喊要抱下佢, OK! 但我個工人唔係奉旨去幫佢, 有次佢竟然責備姐姐做乜唔蒸魚灼菜, 我睇唔過眼同陪月講, 原本負責煮飯比我食果個係佢(咁高人工請佢的工作範圍之一), 我個工人只係幫下手, 我個BB無扭計唔駛成日抱, 佢可以放低我個仔一陣, 煮左飯先, 佢先走返去廚房, 否則應該一直抱阿B抱到我個工人煮完飯佢先起身! 我問佢: 乜以前做頭頭住家都有工人咩? 佢話梗係唔係, 於是我話咁你果時點樣又煮飯又照顧BB, 佢話做快手啲, 但洗野就洗得求其啲! 跟住我話咁你在我屋企都算他條, 我個工人幫你做咁多野, 佢無聲出!
其實我家姐姐都算係咁, 阿姨成日點佢沖奶, 教水比BB沖涼, 煮飯, 洗碗, 佢都無投訴, 但阿姨就成日蝦佢唔識中文, 有啲野入左姐姐數! 好似有次洗菜無切走啲菜花, 又有發泡膠碎, 阿姨見到我揀哂啲渣出來, 即刻賴係姐姐洗菜, 仲話佢唔識洗, 乜乜物物, 當時我無出聲, 我知我地個工人返左咁耐工, 呢啲野佢唔會唔知, 於是之後我問姐姐邊個洗菜, 佢話係auntie! 我信我工人, 因為我食緊飯時佢在廚房洗野, 應該唔知出面發生咩事! 其實仲有其他例子, 總之一有啲咩唔對路阿姨就話姐姐唔識, 而佢自己就乜都無做錯!
5. 專業定靠害: 當初決定請個陪月, 係覺得自己有啲坐月野唔識, 不如比錢搵個專業人士返來幫手, 一來唔駛我媽咪同老爺奶奶咁辛苦照顧我, 二來老公又可以放心去返工, 但係, 慢慢我有啲懷疑阿姨所謂有10年經驗係點樣一回事, 因為佢成日向我提議埋啲怪食材, 例如黃金蝦(咸蛋, 海鮮?), 干炒牛河(炒野, 牛肉, 油膩?), 未夠12朝叫我食薑醋, 又話可以炖花膠比我食, 以我淺薄的坐月知識, 都知有啲野唔可以食住, 佢點可能叫我食? 我問佢可以食架咩? 佢每次都話:乜都可以食, 食少少唔會有問題! 咁我想話, 如果無野係唔食得, 咁我駛乜用咁多錢請你來煮飯比我食呢? 唉!
平時係姐姐開奶, 有次我叫佢自己開, 結果就出事, 奶樽在雪櫃拎出來, 凍冰冰佢求其用開水沖一沖個樽, 個奶咀仲係凍既, 我話唔得喎, 要成個奶樽用熟手沖先得, BB放落口飲架! 佢話沖左架喇! 啲開水凍啫! 下, 雪櫃果種凍同開水果種凍我地唔係唔識分呀? 到畢奶粉, 把刀亂咁用啲份量唔岩, 倒入奶樽又倒瀉哂, 跟住仲好意思話自己生手, 當時我真係忍唔住話佢唔係成日開奶架咩, 點解會生手?? 真係人都癲!
有一日, 我午睡完起身, 未夠5點出廳唔見左佢, 問工人姐姐, 話auntie走左, 下? 未夠鐘收工喎, 走左? 我跟手打比佢啦, 無人聽, 我一頭霧水, 莫非佢想唔撈? 最後佢無打返比我. 當晚我真係同老公認真商量過想炒佢魷魚, 但諗到多對手係一對手, 先至諗住捱埋之後的日子. 第二朝佢返工, 我問佢做乜未夠鐘就走, 佢扮懵話睇錯鐘, 仲話唔怪得返到屋企咁早, 佢話補返鐘比我. 我塊面黑過鑊撈, 一句聲都無回應. 坦白講, 如果你做得好地地, 你有事要早少少走, 同我講聲我唔會唔比, 但佢一句野都無講自己走左去, 又唔覆電話就真係好離譜, 呢啲係專業陪月的所為?
6. 無規無矩: 阿姨份人唔係好識咩叫"尊重", 我有時在客廰上緊facebook, check緊email, 佢竟然可以一碌木咁企在我後面睇住我整理私人野, 睇到facebook某啲相仲比返幾句評語我, 就算佢無心都好, 我老公老爺奶奶甚至我媽咪都從來唔會咁樣睇住我上網, 侵犯我私隱, 真係好難頂! 另外, 有時我在BB房試餵人奶, 佢又衝入來, 我點都唔係咁習慣人地望住我個胸囉! 仲有幾次我在自己房, 佢敲一敲房門又衝入來, 我同佢講佢敲完門等我自己開門, 佢仲話: 下, 我有敲門架喎! 我話: 係, 但你都係等我自已開門啦! 果幾次我在房泵緊奶! 而家搞到我一做私人野, 我一定要LOCK門, 否則怕佢又衝入來......
呢樣都唔止, 話說屋企個廚房係我老爺管轄的範圍, 我呢亭無飯煮婦亦樂於清閒, 從來唔搞廚房裡的一碗一碟, 正所謂有無米我都唔知既, 我咁講唔係話呢樣係一件好光榮的事, 而係我嫁入來咁耐就已經係咁, 我唔覺得佢地想我突然變得好積極煮飯, 而且在我坐緊月時就更加唔會要求我做啲乜啫. 好喇! 阿姨要煮飯一定要用廚房啦! 佢不時自己摷野用不特止, 有次仲同我話搵到啲蟲草, 問駛唔駛炖野比我食! 我話: 下, 我唔搞屋企啲藥材, 亦唔駛而家食炖野住(正常人應該會在滿月後先用藥材補身, 都唔知佢作為陪月員點解會咁問我!) 佢仲繼續講話啲蟲草好貴, 好補身, 下刪100字, 當時我幾想XYZ佢! 但我忍住, 只係話: 我唔駛補身住, 我媽咪之後會炖比我食! 莫講話唔應該食咩藥材住, 就算可以食, 以佢的習慣, 佢兩日唔駛同我用哂啲貴價食材喇! 呢啲海味野我一定唔會過佢手整, 要整我媽咪奶奶都會整, 反正佢地一早已經買定燕窩花膠鮑魚比我慢慢補身, 我根本都唔擔心無好野食!
其實仲有好多野我覺得離譜, 但我唔想自己坐緊月都咁勞氣, 寫住咁多算啦! 費事第時睇返勾起回憶都忍唔住想鬧. 講真, 請佢加埋買餸錢要駛成二萬蚊, 但我覺得好似貼錢買難受咁, 雖然客觀來睇佢都幫到我, 唔係我要睇住BB邊有時間寫呢一大篇文, 不過你問我值唔值, 我會覺得唔值得囉! 如果唔係唔想老人家辛苦, 我一定搵自己媽咪陪我坐月, 不過無計啦! 而家決定繼續用佢我亦唔可以對佢太唔客氣, 話哂佢煮飯比我兩公婆食, 又照顧我個寶貝仔, 萬一煮飯時落毒, 虐待BB咁我點搞 (講笑啫!), 而家唯一可以做就係忍, 忍到佢last day果日!
不過, 假如有朋友想搵陪月, 我一定唔會推薦佢比人, 費事害人! 如果再比我揀, 我亦一定唔會再請陪月, 邊個介紹都係咁話, 慳返啲錢比BB買奶粉尿片好過, 總之一句, 呢個搞野陪月就令我好激氣啦!
Thursday, February 02, 2012
我的小王子!
BB如期在1月18日開刀出世了! 十個月後, 我終於成為了一個媽媽!雖然價錢昂貴, 但我仍然慶幸自己選擇了在私家醫院生BB, 因為做完手術後起碼有多點時間休息, 暫時不用照顧小BB, 可以享受我最後的幾日寧靜, 事關出院後, 相信我會一生一世無覺好瞓!
其實做媽媽是什麼感覺呢? 身體上的, 傷口在第一天因為有止痛藥的幫助, 所以不覺得怎樣痛, 但第二天下床後, 傷口開始隱隱作痛, 我才真正體驗到"捱一刀"的滋味. 我上落床都是慢動作, 行路似企鵝, 我連自己的傷口都不敢觸摸, 怕面對現實! 當然, 有疤痕是無可避免了, 只希望傷口復元得好吧!
心理上的, 在留院期間, 心情有點複雜, 第二天可以下床後, 我正式抱BB和餵BB食奶, 望著懷中那脆弱的小寶貝, 才真正覺得自己已為人母! 但去到第三天夜晚, 躺在床上, 傷口在痛, 望著小BB的照片的那一刻, 我忍不住不停流淚, 自己也分不清楚是開心還是什麼感覺, 總之覺得, 自己這樣就做了媽媽, 而相中的小BB就是我的兒子了! 老公見我淚流滿面, 攬著我給我安慰, 這無疑令我情緒好轉, 但不時還是會眼濕濕, 那是做完手術後, 我第一次懷疑自己是否有產後抑鬱!
其次, 可能先天不足, 我餵哺母乳的路不很成功, 這令我感到挫敗, 情緒一度十分低落, 回家的第一天就哭得很厲害, 老公都感到不知所措. 我和最要好的幾個朋友吐露心聲, 她們給我鼓勵和安慰, 我的心情才好了一點點, 加上老公沒有給我壓力, 我才慢慢能放開懷抱, 接受自己的BB可能要做奶粉BB了! 不過, 為了一母親的責任, 我有去健康院請教姑娘正確的餵哺姿勢和秘訣, 希望多多少少能給他吃點點母乳啦!
至於為什麼BB的乳名叫小王子, 其實是自己的一個情意結. 除了傻豹和MIFFY外, 我也很喜歡大口仔, 尤其是當中的王子系列, 但近幾年Sanrio沒有再重點推介這個系列的精品, 我有點失望, 一直念念不忘, 直至知道自己懷的是男孩後, 我便想到不如把BB的乳名叫小王子吧! 反正, 他永遠也是爸爸和媽媽的little prince!!
Saturday, January 07, 2012
我的快樂孕記之五十五: 期待小王子的來臨
這兩個月一直想更新網誌, 但實在太懶, 身體其實挺好的, 也有很多懷孕期的感想, 卻總是提不起勁去寫點什麼。"懶蟲"在作崇, 沒辦法了, 大肚婆有一千個理由去偷懶, 哈哈!
今天已踏入第三十七週, 很快就到生產的日子了, 我已經預約了入院日子, 下周三開始放產假, "走佬袋"也大致準備好, 所有事情都搞定了, 現在我要做的是好好休息。老實說, 生第一胎心情真的很緊張, 也很擔心以後的日子會十分忙碌, 不過為了把最好的留給BB, 最後這幾週, 我要養精蓄銳, 靜候小王子的來臨!
今天已踏入第三十七週, 很快就到生產的日子了, 我已經預約了入院日子, 下周三開始放產假, "走佬袋"也大致準備好, 所有事情都搞定了, 現在我要做的是好好休息。老實說, 生第一胎心情真的很緊張, 也很擔心以後的日子會十分忙碌, 不過為了把最好的留給BB, 最後這幾週, 我要養精蓄銳, 靜候小王子的來臨!
Subscribe to:
Posts (Atom)